جاي عبالي اهرب واطيرللسما متل العصافير
معد بدي أعرف المصير
رح فك قيودي وعند النجمات صير
يا مقيد حريتي اتركني
يا سارق ضحكتي أنا بدي طير
رفرف متل الفراشات فوق الزهر
فوق النهر
اتخبى من الشمس بغيمة
بيضا متل الحلم
بدي البس الفستان الأبيض
وكون حورية على شط البحر
والبنات حوالي والعيون علي
بدي طير ادخل بالغيمات ونام علين
انشر الوردات وخلي الدني تمطر زهور ورياحين
متل الياسمنة البيضا بدي الفستان
وعليه الماسات متل النجمات
بدي حبيبي تاخدني
من حزني والآهات
بدي حبيبي نطير سوى
نهرب من العيون والناس
انت وأنا نضحك سوى
بدي شال منسوج من حلا الدمعات
بدي تكون انت التاج الي فوق الراس
مابدي لا دهب ولا ماس
بدي فستان أبيض اهرب في
لعالم الأحلام ويصير
عندي جناحات لما كون معك
وبطير لعند الغيمات
بحبك انا اسمعني
بحبك انا اندهلي
خليني معك لا تتركني
عيوني من قطر الندى ملت
عيوني بشوقك عم تحكي
وقلبي بصدرك انحبس
مافي من دونك يضحك او يتفس
ما في من غيرك يعيش
بيكفي جفى رجعني للطفولة
رجعني للبراءة
خلينا نكون نحن بدل انت وأنا
بحبك أنا ودمعاتي والسهر والنجمات بتشهدلي
بدي اكتبلك أشعار وارسم صورتك على القمر
وخلي اسمك يضوي على البشر
يا أنا هيمنت عا عقلي
سرقت الغفوات من رمشي
بخفة روحك
بحنية قلبك
الناس حوالي ما بتعرف شو عم خربش
حبسولي جسمي بس روحي
مابسيطر عليها بشر
بتروح على عالم الخيال
لعند حبيبي الساكن عند البحر
بحبك انا اسمعني
صوتي بيندهلك
عن الي عم يخفق بين ضلوعي بقلك
بحبك انا دخلك قلبي الصغير لا تجرحلي
و البسمة عشفافي ارسملي
والفستان الأبيض انت جبلي
بحبك أنا والنجمات بتشهدلي
6/3/2010
تسعة الصبح
ليست هناك تعليقات:
إرسال تعليق